هند او سعودي عربستان پخپلو کې د دوه اړخيزه اړيکو پر پياوړتيا هوکړه وکړه. هندي رسنۍ وايي، د سعودي عربستان د بهرنيو چارو وزير عادل الجبير هند ته د سفر په مهال له يو شمېر نورو چارواكو سره د کتنې ترڅنګ د هند له لومړي وزير نرېندرا مودي سره د دوه اړخيزو اړيکو په اړه ګټورې خبرې وكړې.
هند او سعودي عربستان پخپلو کې د دوه اړخيزه اړيکو پر پياوړتيا هوکړه وکړه.
هندي رسنۍ وايي، د سعودي عربستان د بهرنيو چارو وزير عادل الجبير هند ته د سفر په مهال له يو شمېر نورو چارواكو سره د کتنې ترڅنګ د هند له لومړي وزير نرېندرا مودي سره د دوه اړخيزو اړيکو په اړه ګټورې خبرې وكړې.
د هند لومړي وزير په دغه کتنه کې ټينګار وكړ، چې هېواد يې له سعودي عربستان سره د نږدې اړيکو غوښتونکى دى او دغو اړيکو ته ځانګړى اهميت وركوي.
په همدې حال کې د سعودي عربستان د بهرنيو چارو وزير هم په ټينګار سره څرګنده کړه، چې هېواد يې له هند سره د تودو اړيکو د درلودو غوښتونکى دى.
دواړو هېوادونو دغه راز پر يو لړ اقتصادي هوکړو لاسليکونه هم وكړل.
کلید ګروپ په ټویټر او فیسبوک کې وګورئ
