د ملي يووالي حكومت اجرائيه رئيس ټينګار كوي، چې د هېواد په ټاكنيز نظام كې د اصلاحاتو رامنځته كولو ته ژمن دي او په دې برخه كې به په جديت كار وكړي.
د ملي يووالي حكومت اجرائيه رئيس ټينګار كوي، چې د هېواد په ټاكنيز نظام كې د اصلاحاتو رامنځته كولو ته ژمن دي او په دې برخه كې به په جديت كار وكړي.
عبدالله عبدالله نن په كابل كې د وزيرانو شورا غونډه كې وويل، په ټاكنيز نظام كې د اصلاحاتو له رامنځته كولو وروسته، د ولسي جرګې او ولسواليو شوراګانو ټاكنې به هم په ښه ډول ترسره شي.
نوموړى په ټاكنيز نظام كې د اصلاحاتو رامنځته كول د ملي يووالي حكومت مهم هدف بولي او په وينا يې، په دې كار سره به پر ټاكنيزې پروسې د خلكو باور زيات شي.
دا په داسې حال كې ده، چې جمهور رئيس محمد اشرف غني دوه ورځې وړاندې په ټاکنيز نظام کې د اصلاحاتو راوستو تقنيني فرمان لاسليک کړ.
ټاكل شوې ده، چې دا فرمان په راتلونكو درېيو اونيو كې د تصويب په هدف ولسي جرګې ته واستول شي.
کلید ګروپ په ټویټر او فیسبوک کې وګورئ
