د پاکستان يو ملي انسټيټيوټ خبردارى ورکړى، چې له ۳۵ څخه تر ۴۵ کلونو مودې پورې به د کراچۍ سوداګريز ښار په بشپړ ډول په سمندر کې ډوب شي. د نېشنل انسټيټيوټ آف اوشنوګرافي په نوم دغې ادارې په خپل خپور کړي رپوټ کې ويلي، چې لا له وړاندې د کراچۍ يو شمېر سيمې سمندري اوبو کې ډوبې شوي او نورې سيمې يې کرار – کرار د اوبو تر ګواښ لاندې راځي.
د پاکستان يو ملي انسټيټيوټ خبردارى ورکړى، چې له ۳۵ څخه تر ۴۵ کلونو مودې پورې به د کراچۍ سوداګريز ښار په بشپړ ډول په سمندر کې ډوب شي.
د نېشنل انسټيټيوټ آف اوشنوګرافي په نوم دغې ادارې په خپل خپور کړي رپوټ کې ويلي، چې لا له وړاندې د کراچۍ يو شمېر سيمې سمندري اوبو کې ډوبې شوي او نورې سيمې يې کرار – کرار د اوبو تر ګواښ لاندې راځي.
د سرچينې په وينا، كه د دغه ګواښ مخنيوى ونه شي، نو په راتلونکې كې به د کراچۍ څلوېښت ميليونه نفوس د چاپېريالي کډوالو په څېر نورو سيمو ته کډه شي.
سرچينه زياتوي، په ۲۰۱۵ کال کې په نړۍ كې زرګونه كسان د سېلابونو، زلزلو او وچکالۍ له كبله وژل شوي، چې له جملې څخه يې د ۲۰۱۵ کال په جون مياشت کې د سختې ګرمۍ له كبله ۱۲۰۰ کسانو خپل ژوند له لاسه ورکړ.
ياد انسټيټيوټ وايي، دا د دې ښکارندويي کوي، چې د هوا تودوخه به د سمندري اوبو کچه لوړه کړي او ډېرى سيمې به تر اوبو لاندې راشي.
د نوموړې ادارې د رپوټ له مخې، په کال کې شپږ ملي متره د سمندري اوبو سطحه لوړېږي، چې په دې سره سمندري غاړې په تدريجي ډول تر اوبو لاندې راځي.
کلید ګروپ په ټویټر او فیسبوک کې وګورئ
