د ملي دفاع وزارت په هلمند ولايت كې د وسله والو مخالفينو له يوه زندانه د ښځو او ماشومانو په ګډون د لسګونو ملكي وګړو د خوشې كولو خبر وركوي.
د دې وزارت له مطبوعاتي دفتر څخه نن كليد ته په رالېږل شوې خبرپاڼه كې راغلي، د امنيتي ځواكونو د ځانګړو قطعو د عملياتو په پايله كې ۳۵ تنه ملكي وګړي، چې ۲۵ ماشومان، ۵ ښځې او ۵ نارينه په كې شامل دي، د وسله والو مخالفينو له يوه زندان څخه خوشې شول.
د ملي دفاع وزارت په هلمند ولايت كې د وسله والو مخالفينو له يوه زندانه د ښځو او ماشومانو په ګډون د لسګونو ملكي وګړو د خوشې كولو خبر وركوي.
د دې وزارت له مطبوعاتي دفتر څخه نن كليد ته په رالېږل شوې خبرپاڼه كې راغلي، د امنيتي ځواكونو د ځانګړو قطعو د عملياتو په پايله كې ۳۵ تنه ملكي وګړي، چې ۲۵ ماشومان، ۵ ښځې او ۵ نارينه په كې شامل دي، د وسله والو مخالفينو له يوه زندان څخه خوشې شول.
د سرچينې په وينا، په دغو عملياتو كې، چې تېره شپه ترسره شول، اووه تنه وسله وال مخالفين نيول شوي دي.
د دولت وسله والو مخالفينو تراوسه په دې اړه څه نه دي ويلي.
دا په داسې حال كې ده، چې شاوخوا درې مياشتې وړاندې هم امنيتي ځواكونو د وسله والو مخالفينو له يوه زندانه د امنيتي سرتېرو په ګډون ۵۹ تنه خوشې كړي وو.
کلید ګروپ په ټویټر او فیسبوک کې وګورئ
