د ننګرهار امنيتي چارواكي وايي، چې په اچين ولسوالۍ کې د شاهين ۱۸ په نوم د پيل شويو عملياتو په يوولسمه ورځ د هوايي بريدونو او ځمکنيو عملياتو په مهال ۴۱ تنه داعش وسله وال وژل شوي دي.
د ننګرهار امنيتي چارواكي وايي، چې په اچين ولسوالۍ کې د شاهين ۱۸ په نوم د پيل شويو عملياتو په يوولسمه ورځ د هوايي بريدونو او ځمکنيو عملياتو په مهال ۴۱ تنه داعش وسله وال وژل شوي دي.
د دوى په وينا، په وژل شويو کې د داعش ډلې يو ډلمشر مولوي عادل او يو شمېر بهرني اتباع شامل دي.
د ننګرهار ولايت مقام مطبوعاتي دفتر څخه په خپره شوې خبرپاڼه كې راغلي، چې ياد شمېر داعش وسله وال د اچين ولسوالۍ په عبدالخېلو، پېښې، نرګسۍ او مزدکي غر سيمو کې وژل شوي دي.
د سرچينې په وينا، په ترسره شويو بريدونو کې د وسله والو مخالفينو يو پټنځای هم ويجاړ شوی دی.
د ننګرهار په اچين او نازيانو ولسواليو کې د ملي اردو د څلورمې پلې لېوا ځواكونو په مشرۍ د شاهين ۱۸ په نوم روانو عملياتو كې د ملي امنيت پر موظفينو سربېره، ملي، سرحدي، سيمه ييز او د عامه نظم پوليس هم برخه لري.
کلید ګروپ په ټویټر او فیسبوک کې وګورئ
