د ننګرهار په اچين ولسوالۍ کې د هوايي او ځمکنيو عملياتو په مهال ۲۲ داعش وسله والو ته مرګ ژوبله اوښتې ده. د ننګرهار ولايت مقام مطبوعاتي دفتر څخه په خپره شوې خبرپاڼه كې راغلي، چې په اچين ولسوالۍ کې د شاهين ۱۸ په نوم د پيل شويو عملياتو په لسمه ورځ د هوايي او ځمکنيو عملياتو په مهال ۱۵ تنه داعش وسله وال وژل شوي او ۷ نور ټپيان شوي دي.
د ننګرهار په اچين ولسوالۍ کې د هوايي او ځمکنيو عملياتو په مهال ۲۲ داعش وسله والو ته مرګ ژوبله اوښتې ده.
د ننګرهار ولايت مقام مطبوعاتي دفتر څخه په خپره شوې خبرپاڼه كې راغلي، چې په اچين ولسوالۍ کې د شاهين ۱۸ په نوم د پيل شويو عملياتو په لسمه ورځ د هوايي او ځمکنيو عملياتو په مهال ۱۵ تنه داعش وسله وال وژل شوي او ۷ نور ټپيان شوي دي.
د سرچينې په وينا، په ترسره شويو بريدونو کې د وسله والو مخالفينو يو شمېر سپکې او درنې وسلې هم له منځه تللې دي.
سرچينه وايي، د څلورمې پلې لېوا قوماندان بريد جنرال محمد نسيم سنګين او د ننګرهار امنيه قوماندان پاسوال فضل احمد شېرزاد د عملياتو په لومړۍ کرښه کې د ګډو امنيتي ځواکونو محاربوي احضارات او جګړه ييز چمتووالی له نږدې وکوت.
خبرپاڼه زياتوي، يادو امنيتي مسوولينو ډاډ څرګند کړ، چې ځواکونه يې په درنو وسلو سمبال دي او د ولسونو بشپړ ملاتړ له ځان سره لري، چې په وينا يې په اسانۍ سره به دښمن مات کړي.
د ننګرهار په اچين او نازيانو ولسواليو کې د شاهين ۱۸ په نوم روانو عملياتو كې د ملي امنيت پر موظفينو سربېره، ملي، سرحدي، سيمه ييز او د عامه نظم پوليس برخه لري.
کلید ګروپ په ټویټر او فیسبوک کې وګورئ
