په كندوز ښار كې نن سهار شاوخوا ۱۰ بجې د وکیل حاجي عبدالرسول مسجد تر څنګ یو ګازي موټر کې د ګاز ډبې چاودنه کړې ده، چې په ترڅ کې یې ۸ تنه ملکي وګړي ټپیان شوي دي.
په كندوز ښار كې نن سهار شاوخوا ۱۰ بجې د وکیل حاجي عبدالرسول مسجد تر څنګ یو ګازي موټر کې د ګاز ډبې چاودنه کړې ده، چې په ترڅ کې یې ۸ تنه ملکي وګړي ټپیان شوي دي.
د کندوز د امنيه قوماندانۍ د امنیت امر سمونوال محمد معصوم هاشمي کلید ته وویل، چې په دې چاودنه کې ۴ تنه ملکي وګړي ټپیان شوي دي.
خو د کندوز د حوزوي روغتون امر محمد نعیم منګل وایي، تر دمه دې روغتون ۸ تنه ملکي وګړي په ټپي حالت كې وروړل شوي، چې د ۲ تنو روغتیایي حالت د اندېښنې وړ دی.
دا لومړی ځل نه دی، چې په ګازي موټر کې د چاودنې له كبله ملکي وګړي ټپیان کېږي، بلکې تر دې مخكې هم ورته چاودنو ملکي وګړو ته مرګ ژوبله اړولې ده.
کلید ګروپ په ټویټر او فیسبوک کې وګورئ
