په كابل كې نن سهار شاوخوا لس نيمې بجې د سولې په تړاو څلورمه څلور اړخيزه غونډه پيل شوه. د غونډې پرانيستونكې وينا کې د بهرنيو چارو وزير صلاح الدين رباني وويل، چې د سولې په برخه کې د متحدينو له هڅو مننه کوي او په خبره يې په دې سره به د کابل او اسلام اباد اړيکې لا پياوړې شي.
په كابل كې نن سهار شاوخوا لس نيمې بجې د سولې په تړاو څلورمه څلور اړخيزه غونډه پيل شوه.
د غونډې پرانيستونكې وينا کې د بهرنيو چارو وزير صلاح الدين رباني وويل، چې د سولې په برخه کې د متحدينو له هڅو مننه کوي او په خبره يې په دې سره به د کابل او اسلام اباد اړيکې لا پياوړې شي.
هغه زياته كړه، چې له وسله والو طالبانو سره به د سولې خبرې د فبروري مياشتې تر پاى وړاندې يوې نتيجې ته رسوي.
د بهرنيو چارو وزير له وسله والو طالبانو وغوښتل، چې له دې قېمتي وخت څخه دې ګټه پورته کړي او د سولې له بهير سره دې يو ځاى شي.
صلاح الدين رباني يو ځل بيا وويل، چې ترهګري نه يوازې افغانستان، بلکې پاکستان او ټولې نړۍ ته يو ګواښ بلل کېږي.
د بهرنيو چارو وزير تر لنډو خبرو وروسته غونډه سري اعلان شوه.
په دې ناسته کې د امريکا، افغانستان، چين او پاکستان استازي له طالبانو سره د سولې خبرو د لارې د نقشې پر جوړولو بحث کوي.
په دې غونډه کې له طالبانو سره د مخامخ خبرو د نېټې ټاکل هم شامل دي.
کلید ګروپ په ټویټر او فیسبوک کې وګورئ
