د ننګرهار امنيه قوماندانۍ ۳۰ تنو ښځينه پوليسو ته د يکشنبې په ورځ د ځان ساتنې او نورو عملي تکتيکونو د زده کړو په هدف ۱۴ ورځنى ورکشاپ پيل شو.
د ننګرهار ولايت مقام مطبوعاتي دفتر څخه د خپرې شوې خبرپاڼې له مخې، د دې ولايت د امنيه قوماندانۍ اداري مرستيال امير خان لېوال د ياد ورکشاپ د پرانيستې په مهال وويل، هر نارينه او ښځينه پوليس ته اړينه ده، چې د ځان ساتنې او نورو عملي برخو کې پوره مهارت ولري، ترڅو د اړتيا په وخت له ستونزو سره مخ نه شي . د ننګرهار امنيه قوماندانۍ ۳۰ تنو ښځينه پوليسو ته د يکشنبې په ورځ د ځان ساتنې او نورو عملي تکتيکونو د زده کړو په هدف ۱۴ ورځنى ورکشاپ پيل شو.
د ننګرهار ولايت مقام مطبوعاتي دفتر څخه د خپرې شوې خبرپاڼې له مخې، د دې ولايت د امنيه قوماندانۍ اداري مرستيال امير خان لېوال د ياد ورکشاپ د پرانيستې په مهال وويل، هر نارينه او ښځينه پوليس ته اړينه ده، چې د ځان ساتنې او نورو عملي برخو کې پوره مهارت ولري، ترڅو د اړتيا په وخت له ستونزو سره مخ نه شي .
نوموړي زياته کړه، په ټولنه کې د افغاني کلتور په نظر کې نيولو سره اړينه ده، چې د اړتيا په مهال له نارينه پوليسو سره ښځينه پوليس څنګ په څنګ د خپلو هېوادوالو خدمت وکړي .
دغه راز د امنيه قوماندانۍ اړوند د بشري حقونو مدير سمونوال عبدالمحمد وويل، چې په دغه روزنيز ورکشاپ کې به ښځينه پوليسو ته د ځان ساتنې ترڅنګ د وسلې کارونې او ځينې نور اړين تکتيکونه په عملي توګه ور وښودل شي .
د هغه په وينا، د ننګرهار امنيه قوماندانۍ کې اوس مهال ۵۲ تنه ښځينه پوليس په دندو بوخت دي، چې په راتلونکې کې به دغه شمېره نوره هم لوړه شي.
