د كليو پراختيا وزارت وايي، راتلونكي ۱۳۹۵ لمريز كال كې به په كندهار كې د ۵۴ ميليونه ډالرو په لګښت ۱۵۳۵ رغنيزې پروژې پلې كړي.
د كليو او پراختيا وزير نصير احمد دراني دا ژمنه پرون كندهار ته د سفر پر مهال كړې اوويلي يې دي د راتلونكي كال لپاره به په كندهار كې تر ټولو مهمه پروژه د ارغنداب د سيند د رغولو پروژه وي.
هغه چې د کندهار د ولايتي شورا غړيو، والي، د سکتوري ادارو له رئيسانو او نورو سره يې خبري کولې وويل، کندهار ته يې د تېرو پنځلسو کلونو په پرتله پاملرنه ډېره کړې ده. د كليو پراختيا وزارت وايي، راتلونكي ۱۳۹۵ لمريز كال كې به په كندهار كې د ۵۴ ميليونه ډالرو په لګښت ۱۵۳۵ رغنيزې پروژې پلې كړي.
د كليو او پراختيا وزير نصير احمد دراني دا ژمنه پرون كندهار ته د سفر پر مهال كړې اوويلي يې دي د راتلونكي كال لپاره به په كندهار كې تر ټولو مهمه پروژه د ارغنداب د سيند د رغولو پروژه وي.
هغه چې د کندهار د ولايتي شورا غړيو، والي، د سکتوري ادارو له رئيسانو او نورو سره يې خبري کولې وويل، کندهار ته يې د تېرو پنځلسو کلونو په پرتله پاملرنه ډېره کړې ده.
نوموړي وويل، د دغو ۵۴ ميليونه ډالرو ډېره برخه به د ارغنداب د سيند پر رغولو ولګوي ځكه دا پروژه د ارغنداب ولسوالۍ اوسېدونکو ته حياتي ارزښت لري: (( په دغو پيسو كې ۱۶ مليونه ډالره د ارغنداب د سيند لپاره دي، دې سره سل زره جريبه خرابه شوې ځمكه بېرته آبي كېږي.))
وزير نصير احمد دراني وويل، په تېرو څوارلسو کلونو کي د ټول کندهار په کچه شپيته ميليونه ډالر مصرف شوي، خو له دې وروسته به كندهار بيا رغونې ته خاصه پاملرنه وشي.
بل خوا د کندهار والي ډاکتر همايون عزيزي وويل، په کندهار کې هغسي کار نه دى شوى څنګه چې د خلکو تمه وه.
هغه وويل چې د ملي پيوستون پروګرام دوې دورې په کندهار کې د نا امنيو له امله سم نه دى عملي شوى ځکه نو بايد دا پروګرام په نوې بڼه او د کندهاريانو له غوښتنو سره سم عملي شي.
دا مهال د کندهار په ليري پرتو ولسواليو کي د ملي پيوستون پروژې رواني دي، چي د کندهار ولایتي اداره ورڅخه راضي نه ده.
ولايتي اداره وايي، چي ډيري پروژې له دوی سره په نه همغږۍ عملي کيږي او پيسې يې شخصي جېبونو ته ځي.
