امريكايي چارواكي وايي، په تېرو دريو اوونيو كې يې په افغانستان كې د داعش پر پټنځايونو ۲۰ بريدونه كړي دي.
په افغانستان كې د امريكايي ځواكونو وياند جنرال ولسن شوفنر په پنټاګون كې خبريالانو ته د ويډيو كنفرانس له لارې ويلي، امريكا په افغانستان كې د داعش جنګياليو شمېر له زرو څخه تر ۳ زرو پورې اټكل كړى دى. امريكايي چارواكي وايي، په تېرو دريو اوونيو كې يې په افغانستان كې د داعش پر پټنځايونو ۲۰ بريدونه كړي دي.
په افغانستان كې د امريكايي ځواكونو وياند جنرال ولسن شوفنر په پنټاګون كې خبريالانو ته د ويډيو كنفرانس له لارې ويلي، امريكا په افغانستان كې د داعش جنګياليو شمېر له زرو څخه تر ۳ زرو پورې اټكل كړى دى.
شوفنر زياته كړې ده، د افغانستان په ختيځ كې د داعش نفوذ د ننګرهار په څلورو يا پنځو جنوبي ولسواليو كې زيات دى او غواړي دغلته خپله اډه جوړه كړي.
شوفنر دغه راز وايي، امريكا دا مهال په افغانستان كې په دوه لوريو كې ښكېل ده چې په ختيځ كې د داعش پر ضد هوايي بريدونه تنظيموي او په جنوبي برخه كې بيا له طالبانو سره په جګړه كې بوخت افغان پوځيانو ته جنګي مشاورين استوي.
