په نيمروز ولايت کې د کليو د بيارغونې او پراختيا وزارت د ملي پيوستون پروګرام ۸ پروژې د درې اعشاريه څلور ميليونه افغانيو په لګښت بشپړې او په دې وروستيو كې ګټې اخيستنې ته وسپارل شوې.
د ملي پيوستون پروګرام د عامه اړيکو دفتر څخه نن کليد ته په رالېږل شوې خبرپاڼه کې راغلي، چې دغه پروژې د نيمروز ولايت په كنګ، چخانسور او دلارام ولسواليو كې بشپړې شوې دي. په نيمروز ولايت کې د کليو د بيارغونې او پراختيا وزارت د ملي پيوستون پروګرام ۸ پروژې د درې اعشاريه څلور ميليونه افغانيو په لګښت بشپړې او په دې وروستيو كې ګټې اخيستنې ته وسپارل شوې.
د ملي پيوستون پروګرام د عامه اړيکو دفتر څخه نن کليد ته په رالېږل شوې خبرپاڼه کې راغلي، چې دغه پروژې د نيمروز ولايت په كنګ، چخانسور او دلارام ولسواليو كې بشپړې شوې دي.
د سرچينې په وينا، په دې پروژو کې د ټولنيزو مركزونو، استنادي دېوالونو، لاسي بمبو او پلګوټو جوړول شامل دي، چې ۴۹۰ کورنۍ ترې ګټه اخلي.
سرچينه زياتوي، د ملي پيوستون پروګرام تراوسه توانېدلى، چې په نيمروز ولايت كې ۸۵۴ پروژې په بېلابېلو سکټورونو کې بشپړې او ګټې اخيستنې ته وړاندې کړي.
