د پکتیکا ولایت په برمل ولسوالۍ کې د هوايي بريد له كبله ۱۷ کورني او بهرني وسله وال وژل شوي دي. یوې ځايي امنيتي سرچینې د نوم نه خپرولو په شرط کلید ته وویل چې تېر ماښام د برمل ولسوالۍ په سليمانزو سیمه کې پر وسله والو طالبانو بمبار شوی دی.
د پکتیکا ولایت په برمل ولسوالۍ کې د هوايي بريد له كبله ۱۷ کورني او بهرني وسله وال وژل شوي دي.
یوې ځايي امنيتي سرچینې د نوم نه خپرولو په شرط کلید ته وویل، چې تېر ماښام د برمل ولسوالۍ په سليمانزو سیمه کې پر وسله والو طالبانو بمبار شوی دی.
د سرچینې په خبره، په بمبار کې ۱۷ وسله وال وژل شوي، چې ډېری یې پاکستاني مسعود طالبان دي.
سرچینې په دې اړه معلومات ورنه کړل، چې دغه هوايي عملیات د چا له خوا شوي دي.
حکومتي چارواکو او وسله والو طالبانو تر اوسه په دې اړه څه نه دي ویلي.
برمل د پکتیکا هغه ولسوالي ده، چې د ګاونډي هېواد پاکستان له وزیرستانونو سره اوږده پوله لري.
د دې ولسوالۍ په یو شمېر سیمو کې کورني او بهرني طالبان فعالیت کوي.
کلید ګروپ په ټویټر او فیسبوک کې وګورئ
