د اروزګان د دهراوود ولسوالۍ لسګونه پوليسو له امنيه قوماندان سره د اختلافاتو له امله خپلې پوستې پرې ايښې دي.
د اروزګان د والي وياند دوست محمد ناياب وويل، دغه پوليس چې شمېر يې شاوخوا ٦٠ تنه دی، تیره ورځ د ولايت مرکز ترينکوټ ته له خپل قومندان څخه خپه راغلي دي.
د دهراوود ولسوال امين الله خالقي وويل چې د زرتالې سيمې د اوو پوستو پوليس له خپلو وسلو او موټرو سره د ولايت مرکز ته تللي او سیمه یې پرې ایښې ده. د اروزګان د دهراوود ولسوالۍ لسګونه پوليسو له امنيه قوماندان سره د اختلافاتو له امله خپلې پوستې پرې ايښې دي.
د اروزګان د والي وياند دوست محمد ناياب وويل، دغه پوليس چې شمېر يې شاوخوا ٦٠ تنه دی، تیره ورځ د ولايت مرکز ترينکوټ ته له خپل قومندان څخه خپه راغلي دي.
د دهراوود ولسوال امين الله خالقي وويل چې د زرتالې سيمې د اوو پوستو پوليس له خپلو وسلو او موټرو سره د ولايت مرکز ته تللي او سیمه یې پرې ایښې ده.
نوموړي د یادو پولیسو شمېره په ګوته نه کړه، خو د دهراود امنيه قوماندان حاجي نيازمحمد چې دوه ورځې مخکې يې دنده پيل کړې وايي، چې شاوخوا ٦٠ پوليس له وسلو او رينجرو سره تښتېدلي او پوستو ته يې اور اچولى دى.
د هغه په وينا، دا معلومات نه لري چې دا پوليس چېرې تللي، خو په اړه يې پلټنې پيل کړې دي.
