د جدي ۲۴مه د پنجشنبې ماښام د لغمان ولایت مقام د پښتو ژبې لیکوال او شاعر استاد لال پاچا ازمون د لمانځغونډې کوربه و.
دې غونډې ته پر لغمان سربیره د ننګرهار، کابل ، خوست او پکتیا ولایتونو سلګونه شاعران او لیکوال راټول شوي وو.
استاد لال پاچا ازمون نه یوازې د کابل پوهنتون د ژبو او ادبیاتو پوهنځي استاد او پر اکاډمیکو چارو بوخت دی، بلکې د اوس وخت د فرهنګي، ادبي او ژورنالستیک ډګر یو له فعالو او مطرحو څېرو پيژندل کیږي. د نوموړي د چاپ او ناچاپو منظوم او منثورو اثارو شمیر نږدې سلو ته رسیږي. د جدي ۲۴مه د پنجشنبې ماښام د لغمان ولایت مقام د پښتو ژبې لیکوال او شاعر استاد لال پاچا ازمون د لمانځغونډې کوربه و.
دې غونډې ته پر لغمان سربیره د ننګرهار، کابل ، خوست او پکتیا ولایتونو سلګونه شاعران او لیکوال راټول شوي وو.
استاد لال پاچا ازمون نه یوازې د کابل پوهنتون د ژبو او ادبیاتو پوهنځي استاد او پر اکاډمیکو چارو بوخت دی، بلکې د اوس وخت د فرهنګي، ادبي او ژورنالستیک ډګر یو له فعالو او مطرحو څېرو پيژندل کیږي. د نوموړي د چاپ او ناچاپو منظوم او منثورو اثارو شمیر نږدې سلو ته رسیږي.
په لغمان ولایت کې د استاد ازمون لمانځغونډې لومړنی ویناوال جمهور رئيس اشرف غني وو، چې د موبایل ټیلفون له لارې یی د هغه ادبي او فرهنګي هڅې د قدردانۍ او لا ډیرې ستاینې وړ وبللې. جمهور رئيس استاد ازمون یو وفادار ملګری او د استاد ګل پاچا الفت په څېر خپل فرهنګ او ژبې ته ژمن ادیب وباله:(( ازمون پاچا د لیکوالو پاچا دی، ازمون د ارواښاد الفت په څیر پاچا دی. دی خپل قام، ژبې او فرهنګ ته ژمن او عظیم لیکوال دی. زه یی ستایم او د لا ادبي او فرهنګي فعالیتونو لپاره ورته توفیق غواړم.))
د استاد لال پاچا ازمون لمانځغونډه کې د لغمان والي عبدالجبار نعیمي وویل چې استاد ازمون نه یوازې ادبي بلکې سیاسي، اجتماعي او فرهنګي شخصیت دی او تر خپلې وسې د ولس او وطن د سوکالۍ او امن لپاره یې هڅې کړي.
د نعیمي پر وینا د ځوان نسل په روزلو کې د استاد ازمون فعالیتونه خورا پراخ او د هرکلي وړ دي، ځکه نوموړي تل ځوانان پوهې، د هیواد ابادۍ او سولې ته وربللي دي:(( ځینې خلک ځوانانو ته ټوپک په لاس ورکوي چې خپل وطن او خلک ویجاړ کړي، خو ازمون ځوانانو ته د علم ډیوه په لاس ورکوي، خلک مینې او سوکالۍ ته هڅوي، دی واقعا یو اتل دی)).
په غونډه کې راغلو یو شمېر ځوانو ادبي څیرو هم وویل چې د دوی په روزنه کې د استاد لال پاچا ازمون لوی لاس دی.
د لیکوال او شاعر استاد لال پاچا ازمون په وياړ شاعرانه ماښام د ځینو خوږ ژبو ترنم ویونکو شاعرانو په ترنمونو لا رنګین و.
د لمانځغونډې دې شاعرانه ماښام کې خپله استاد ازمون هم ځیني شعرونه دیکلمه کړل چې د ناستو کسانو له تاوده هرکلي سره مخ شول.
استاد لال پاچا ازمون له نن څخه شاوخوا ۴۴ کاله وړاندې د ننګرهار هسکې مینې ولسوالۍ کې سترګې رڼې کړې او د ښونځي او پوهنتون تر زدکړو وروسته يې د کابل پوهنتون ادبیاتو پوهنځي کې د استادۍ سپیڅلې دنده پیل کړه. نوموړی دا مهال د استادۍ پر دندې سربیره پر ګڼو ادبي او فرهنګي فعالیتونو بوخت دی او تر دې دمه یی تر ۶۰ زیات اثار چاپ شوي دي.
