د اټومي انرژۍ نړيوالې ادارې وروسته له دولسو کلونو د ايران لخوا د پټو اټومي وسلو د جوړولو په اړه خپلې څېړنې بشپړې کړې دي.
د دغې ادارې ۳۵ کسيز پلاوي پرون په يوه ګډه ناسته کې په ايران کې د اټومي وسلو جوړېدو څېړنه پاى ته رسېدلې اعلان کړې، خو ټينګار يې کړى، چې د دغه هېواد د اټومي بټيو څارنه به روانه وساتي. د اټومي انرژۍ نړيوالې ادارې وروسته له دولسو کلونو د ايران لخوا د پټو اټومي وسلو د جوړولو په اړه خپلې څېړنې بشپړې کړې دي.
د دغې ادارې ۳۵ کسيز پلاوي پرون په يوه ګډه ناسته کې په ايران کې د اټومي وسلو جوړېدو څېړنه پاى ته رسېدلې اعلان کړې، خو ټينګار يې کړى، چې د دغه هېواد د اټومي بټيو څارنه به روانه وساتي.
د اټومي انرژۍ نړيوالې ادارې خپور کړي رپوټ کې راغلي، چې ايران تر ۲۰۰۹ کال پورې په پټه د اټوم بم جوړولو هڅه کوله، خو تر دغه کال وروسته ياد هېواد په دې برخه کې هېڅ هڅه نه ده کړې.
د ايران او د نړۍ د شپږو قدرتونو تر منځ د اټومي پروګرام په اړه تر هوکړې وروسته پر دغه هېواد اقتصادي بنديزونه يو څه کم شوي دي.
