د نيمروز چارواكي وايي، په دغه ولايت كې د كمال بند د كار په بشپړيدو سره به چې اوس يې د دوه برخو كال پاى ته رسېدلى په اقتصادي برخه كې يو ښه ګام اوچت شي.
د نيمروز والي انجنير محمدسميع چې نن يې په كابل كې له يو شمېر نورو واليانو سره په يوه ګډه خبري غونډه كې خبرې كولې وويل، د كمال خان د بند د دوه برخو كار پاى ته رسېدلى او د درېيمې برخې كار يې هم پيليږي. د نيمروز چارواكي وايي، په دغه ولايت كې د كمال بند د كار په بشپړيدو سره به چې اوس يې د دوه برخو كال پاى ته رسېدلى په اقتصادي برخه كې يو ښه ګام اوچت شي.
د نيمروز والي انجنير محمدسميع چې نن يې په كابل كې له يو شمېر نورو واليانو سره په يوه ګډه خبري غونډه كې خبرې كولې وويل، د كمال خان د بند د دوه برخو كار پاى ته رسېدلى او د درېيمې برخې كار يې هم پيليږي.
د انجنير محمدسميع په خبره د دغه بند د كار په بشپړېدو سره به ياد بند نهه ميګاواټه برېښنا توليد او 150 هكتاره ځمكه به خړوبه كړي: (( موږ د دغه بند دريم فاز ته داخلېږو، زه بايد د دغه بند په اړه ووايم چې كه جوړ شي ۱۵۰ هكټاره كرنيزه ځمكه به اوبه كوي، ۹ ميګاواټه بريښنا به توليدوي او د كار موندنې په برخه كې به يې خلكو ته خورا ګټه ورسېږي.))
د نيمروز والي په داسې حال كې د نهه ميګاواټه برېښنا ته هيله مندي ښيي چې اوسمهال افغانستان د برېښنا په برخه كې ډيرې ستونزې لري او تر ډيره بريده خپلې اړتياوې په وارداتي برېښنا پوره كوي.
