کاناډا وايي، چې د داعش په ضد د خپلې پيل کړې مبارزې پر چارې له سره غور کوي او نوې پرېکړه به وکړي. د کاناډا لومړي وزير جاسټين تروډو د بريتانيا پايتخت لندن ته د سفر په مهال ويلي، چې هېواد يې له داعش سره د مبارزې په برخه کې پر خپل نظامي رول له سره غور کوي.
کاناډا وايي، چې د داعش په ضد د خپلې پيل کړې مبارزې پر چارې له سره غور کوي او نوې پرېکړه به وکړي.
د کاناډا لومړي وزير جاسټين تروډو د بريتانيا پايتخت لندن ته د سفر په مهال ويلي، چې هېواد يې له داعش سره د مبارزې په برخه کې پر خپل نظامي رول له سره غور کوي.
تروډو وړاندې ژمنه کړې وه، چې ۶ نظامي جېټ الوتکې به په عراق او سوريه کې د داعش ضد جګړه کې وکاروي.
هغه په لندن کې د خبريالانو يوې ډلې ته وويل، چې د جنګ په اړه تګلاره او د نظامي مداخلې په اړه به تغيرات رامنځته کړي او دغه چاره به د خپلو متحدانو په مشوره ترسره کوي.
له هغه وخته، چې لومړي وزير جاسټين تروډو پرېکړه وکړه، چې د کاناډا شپږ جېټ الوتکې به د داعش ضد جګړه کې برخه اخلي، د دغو (اف ۱۸) الوتکو په مرسته لږ تر لږه ۱۶ بريدونه شوي دي.
کلید ګروپ په ټویټر او فیسبوک کې وګورئ
