د ملګرو ملتونو سازمان ويلي، پاکستان د نړۍ په کچه خبريالانو لپاره د خطرناکو هېوادونو پنځم مقام کې راغلى او له ۲۰۰۱ كال راهيسې په دې هېواد کې ۷۰ خبريالان وژل شوي دي .
خبريالانو سره د تاوتريخوالي مخنيوي نړيوالې ورځې په مناسبت د ملګرو ملتونو په تازه خپور کړي رپوټ کې پاکستان خبريالانو لپاره پنځم خطرناک هېواد بلل شوى او په ترتيب سره د سوماليا، عراق، سوريې او فيليپين نومونه له لومړي تر څلورم مقامه راغلي دي .
د ملګرو ملتونو سازمان ويلي، پاکستان د نړۍ په کچه خبريالانو لپاره د خطرناکو هېوادونو پنځم مقام کې راغلى او له ۲۰۰۱ كال راهيسې په دې هېواد کې ۷۰ خبريالان وژل شوي دي .
خبريالانو سره د تاوتريخوالي مخنيوي نړيوالې ورځې په مناسبت د ملګرو ملتونو په تازه خپور کړي رپوټ کې پاکستان خبريالانو لپاره پنځم خطرناک هېواد بلل شوى او په ترتيب سره د سوماليا، عراق، سوريې او فيليپين نومونه له لومړي تر څلورم مقامه راغلي دي .
پرون هم په قبايلي سيمه شمالي وزيرستان کې د زمان محسود په نوم يو خبريال د نامعلومو ټوپکوالو لخوا ووژل شو .
د رپوټونو له مخې، له ۲۰۰۱ کال راهيسې پاکستان کې ۷۰ خبريالان د تاوتريخوالي قرباني شوي، چې لږ تر لږه ۵۰ تنه يې په هدفي پېښو کې وژل شوي دي .
د ملګرو ملتونو رپوټ کې راغلي، چې په تېره يوه لسيزه کې ۷۰۰ خبريالان د کار په مهال د نړۍ بېلابېلو هېوادونو کې وژل شوي دي .
په رپوټ کې ۲۰۱۲ او ۲۰۱۳ ميلادي کلونه په تېرو لسو کلونو کې خبريالانو لپاره تر ټولو زيات له تاوتريخوالي ډک بلل شوي دي.
