د هندوستان د پوځ نربهاى اټومي توغندي تجربه چې ټاكل شوې وه ۱۱ سوه كېلو متره هدف به په اسانۍ وولي، د درېيم ځل لپاره هم ناكامه شوه.
دغه كروز توغندى چې پرون د اړيسه ايالت له چاند پور سټيټ څخه ويشتل شوى ايله ۱۲۸ كېلوه متره واټن يې وهلى او په ځمكه راپرېوتى دى. د هندوستان د پوځ نربهاى اټومي توغندي تجربه چې ټاكل شوې وه ۱۱ سوه كېلو متره هدف به په اسانۍ وولي، د درېيم ځل لپاره هم ناكامه شوه.
دغه كروز توغندى چې پرون د اړيسه ايالت له چاند پور سټيټ څخه ويشتل شوى ايله ۱۲۸ كېلوه متره واټن يې وهلى او په ځمكه راپرېوتى دى.
تر دې وړاندې په ۲۰۱۳ مارچ او د ۲۰۱۴ په اكتوبر كې هم د دغه توغندي د ازموينې پر مهال د كروز د هدف غلطولو او په لنډ واټن كې د راغورځېدلو او ناكامې تجربې خبرونه خپاره شوي وو.
هندوستان دا توغندى د امريكا له ټام هاك اټومي بم په تقليد د پاكستان د بابر توغندي د خنثى كولو په هدف جوړ كړى او ويلي يې وو، دغه توغندى به له ځمكې او سمندر دواړو څخه توغول كېږي.
د هند د ۱۱ سوه كېلو متري توغندي تجربه په پرله پسې ډول داسې مهال ناكامېږي چې دا هېواد همدا اوس د اګني په نوم ځينې اټومي توغندي لري چې كه فير شي ۵ زره كېلو متره وړاندې هدف په نښه كوي.
