عراقي چارواکو پرون د داعش وسله والې ډلې په لاس د يو خبريال د وژلو او د ۲۰۰ عراقيانو د برمته كولو خبر ورکړى دى.
د عراق نينوا ايالت يو امنيتي چارواکي محمد الجبوري پرون وويل، داعش وسله والې ډلې يو خبريال، چې لس مياشتې وړاندې يې په موصل کې نيولى وو،اعدام کړى دى. عراقي چارواکو پرون د داعش وسله والې ډلې په لاس د يو خبريال د وژلو او د ۲۰۰ عراقيانو د برمته كولو خبر ورکړى دى.
د عراق نينوا ايالت يو امنيتي چارواکي محمد الجبوري پرون وويل، داعش وسله والې ډلې يو خبريال، چې لس مياشتې وړاندې يې په موصل کې نيولى وو،اعدام کړى دى.
په ورته وخت کې د موصل ښار يوې امنيتي سرچينې پرون اعلان وکړ، چې داعش وسله والې ډلې ۲۰۰ تنه په دې تور نيولي او نامعلوم لور ته يې انتقال کړي، چې د يادې ډلې د بيرغ په سوځولو کې تورن پېژندل شوي دي.
دا مهال داعش ډله په عراق او سوريه کې ډېرى برخې په واک کې لري، چې ډېر کله پر شکمنو خلکو پرته له محکمې د سزا حکم تطبيقوي.
