د مشرانو جرګې مشر د افغان كركټ ملي لوبډلو وروستۍ لاسته راوړنې وستايلې او په دې برخه كې يې له كركټ بورډ نه خپل ملاتړ اعلان كړ.
د كركټ بورډ له مطبوعاتي دفتره كليد ته په رالېږل شوې خبرپاڼه كې ويل شوي د مشرانو جرګې مشر د افغان كركټ ملي لوبډلو وروستۍ لاسته راوړنې وستايلې او په دې برخه كې يې له كركټ بورډ نه خپل ملاتړ اعلان كړ.
د كركټ بورډ له مطبوعاتي دفتره كليد ته په رالېږل شوې خبرپاڼه كې ويل شويچې د کرکټ بورډ عمومي رئيس نسيم الله دانش، اجرايوي رئيس شفيق الله ستانکزي، مرستيال دوست محمد نظري او يو شمير نورو چارواکو نن د مشرانو جرګې له مشر فضل الهادي مسلميار سره د نوموړي په دفتر کې وکتل.
د ناستې په ترڅ كې د مشرانو جرګې مشر په نړيوالو لوبو كې د كركټ د ملي لوبډلو د برياو له كبله كركټ بورډ وستايه او په دې برخه كې يې ددې ادارې هڅې اغېزمنې وبللې.
دغه راز د كركټ بورډ چارواكو هم د مشرانو جرګې له مشر مننه وكړه چې تل يې په هېواد كې د سپورټ په برخه كې له اړوندو ادارو سره همكاري كړې ده.
د يادولو چې د كركټ بېلا بېلو ملي لوبډلو په وروستيو لوبو كې افغانستان ته ستر برياليتوبونه تر لاسه كړي دي.
