امریکا له پاکستان او هند څخه غوښتي، چې وروستي تاوتریخوالي ته د حل لار ولټوي. د امریکا د بهرنیو چارو وزارت ویاند په یوه مطبوعاتي کنفرانس کې ویلي، چې د دواړو هیوادونو ترمنځ تاوتریخوالي کمول د سیمې په ګټه دي.
امریکا له پاکستان او هند څخه غوښتي، چې وروستي تاوتریخوالي ته د حل لار ولټوي.
د امریکا د بهرنیو چارو وزارت ویاند په یوه مطبوعاتي کنفرانس کې ویلي، چې د دواړو هیوادونو ترمنځ تاوتریخوالي کمول د سیمې په ګټه دي.
د امریکا د بهرنیو چارو وزارت مرستیال ویاند مارک ټونر ویلي، چې امریکا د هند او پاکستان تر منځ وروستیو ترینګلو حالاتو اندېښمنه کړې ده او هیواد یی غواړي تر څو د دواړو هیوادونو تر منځ سولې خبرې له سره پیل شي.
نوموړي د یوې پوښتنې په ځواب کې وویل، چې د امریکا ملي امنیت سلاکاره سوزان رایس هم پاکستان ته د ترهګرۍ سره په مبارزه کې د نورو هڅو تر څنګ له هند سره د خپلو سرحدي لانجو حل غوښتنه کړې ده.
د امریکا د بهرنیو چارو وزارت مرستیال ویاند زیاته کړې، چې اوس هم یوشمېر ترهګرې ډلې په پاکستان کې فعالیت کوي، چې د سیمې لپاره ګواښ بلل کیږي او په دې برخه کې باید پاکستان خپل مسولیت ادا کړي.
کلید ګروپ په ټویټر او فیسبوک کې وګورئ
