د افغانستان د کرکټ د نولس کلنو ملي لوبډلې نن د اسيا په غوره ليګ سياليو کې، چې د ماليزيا په پايتخت کوالالمپور کې ترسره کېږي، سعودي عربستان ته هم ستره ماتې ورکړه.
د افغانستان د کرکټ د نولس کلنو ملي لوبډلې نن د اسيا په غوره ليګ سياليو کې، چې د ماليزيا په پايتخت کوالالمپور کې ترسره کېږي، سعودي عربستان ته هم ستره ماتې ورکړه.
د نننۍ پنځوس اوريزې لوبې پچه د عربستان لوبډلمشر وګټله او د توپوهنې پرېکړه يې وکړه.
دې لوبډلې په ۳۹ اورونو کې د ټولو لوبغاړو په سوځېدو سره ۱۵۷ منډې جوړې کړې او افغان نولس کلنې لوبډلې ته يې ۱۵۸ منډې هدف وټاکه.
افغان توپ وهونکو ورکړل شوی هدف په ۱۶ اعشاريه ۵ اورونو کې د دوو لوبغاړو په سوځېدو سره پوره کړ او سعودي عربستان ته يې په اتو وېکټو ماتې ورکړه.
حضرت الله د سيالۍ غوره لوبغاړی ونومول شو، هغه ۹۸ ناسوځېدلې منډې جوړې کړې.
د افغانستان د کرکټ د نولس کلنو ملي لوبډلې تر دې وړاندې متحده عربي اماراتو، نيپال او کويت ته هم سترې ماتې ورکړې وې.
د اسيا د شپږو هېوادونو په ګډون د کرکټ غوره ليګ پنځوس اوريزې سيالۍ د تېرې جمعې په ورځ د ماليزيا په پايتخت کوالالمپور ښار کې پيل شوې دي.
کلید ګروپ په ټویټر او فیسبوک کې وګورئ
