د پاکستان او هند تر منځ د سولې خبرې لغوه شوې

رپوټونه وايي، چې د پاکستان او هند تر منځ د سولې خبرې لغوه شوې دي.
د پاکستان د بهرنيو چارو وزارت په يوه خپره کړې خبرپاڼه کې ويلي، چې د هند لخوا د شرطونو وړاندې کولو په صورت کې د سولې خبرې ناشونې دي.
ټاکل شوې وه نن او سبا په نوي ډيلي کې د دواړو هېوادونو د امنيتي سلاکارانو تر منځ د سولې خبرې تر سره شي، خو هندي حکومت له سرتاج عزيز څخه غوښتي و، چې هند ته د سفر په مهال دې د کشمير له بېلتون غوښتونکو مشرانو سره ليده کاته نه کوي. رپوټونه وايي، چې د پاکستان او هند تر منځ د سولې خبرې لغوه شوې دي.
د پاکستان د بهرنيو چارو وزارت په يوه خپره کړې خبرپاڼه کې ويلي، چې د هند لخوا د شرطونو وړاندې کولو په صورت کې د سولې خبرې ناشونې دي.
ټاکل شوې وه نن او سبا په نوي ډيلي کې د دواړو هېوادونو د امنيتي سلاکارانو تر منځ د سولې خبرې تر سره شي، خو هندي حکومت له سرتاج عزيز څخه غوښتي و، چې هند ته د سفر په مهال دې د کشمير له بېلتون غوښتونکو مشرانو سره ليده کاته نه کوي.
په ځواب کې پاکستاني حکومت ويلي، هند ته د سفر په مهال د دوی اخلاقي حق جوړېږي، چې د جمو کشمير له مشرانو سره ليده کاته وکړي.
د دواړو هېوادونو لومړي وزيرانو تېره مياشت په روسيه کې تر خبرو وروسته پرېکړه کړې وه، چې د اګست په ۲۳مه او ۲۴مه به په هند کې د سلاکارانو په کچه د سولې مذاکرات کوي.
د پاکستان د لومړي وزير سلاکار سرتاج عزيز پرون وويل، چې پرته له قيد او شرط څخه حاضر دی هند ته ولاړ شي، خو که مقابل لوری دې ته غاړه کېږدي.