ملګرو ملتونو د پاکستان او هند تر منځ د سولې مذاکراتو ځنډېدلو په اړه اندېښنه ښودلې ده. د ملګرو ملتونو سرمنشي بانکي مون ويلي، چې دواړه هېوادونه بايد د سولې خبرې پيل کړي، د خپلو خلکو ګټې په نظر کې ونيسي او د دوی ساتنې ته
ملګرو ملتونو د پاکستان او هند تر منځ د سولې مذاکراتو ځنډېدلو په اړه اندېښنه ښودلې ده.
د ملګرو ملتونو سرمنشي بانکي مون ويلي، چې دواړه هېوادونه بايد د سولې خبرې پيل کړي، د خپلو خلکو ګټې په نظر کې ونيسي او د دوی ساتنې ته پاملرنه وکړي.
ټاکل شوې وه، چې د روانې اګست مياشتې په وروستيو کې د هند او پاکستان امنيتي سلاکارنو تر منځ په نوي ډيلي کې د کشمير په مسئله خبرې شوې وای، خو د دواړو هېوادونو تر منځ د وروستي تاوتريخوالي له کبله يادې خبرې ځنډول شوې دي.
پرون هندي چارواکو د پاکستان د لومړي وزير له سلاکار سرتاج عزيز څخه وغوښتل، چې نوي ډيلي ته د سفر په مهال دې د کشمير بېلتون غوښتونکو له مشرانو سره نه ګوري.
دا په داسې حال کې ده، چې تېر کال هم د کشميري بېلتون غوښتونکو له مشرانو سره د پاکستاني چارواکو تر ليدنې وروسته د دواړو هېوادونو تر منځ خبرې وځنډېدې.
کلید ګروپ په ټویټر او فیسبوک کې وګورئ
