د افغانستان د کرکټ الف لوبډلې په يوه ورځنۍ سيالۍ کې د سريلانکا الف لوبـډلې ته ماتې ورکړه. د افغانستان دکرکټ له مطبوعاتي دفتره کليد ته په راستول شوې خبرپاڼې کې راغلي، دا يو ورځنۍ لوبه چې پرون د سريلانکا په پلازمېنه کولمبو کې ترسره
د افغانستان د کرکټ الف لوبډلې په يوه ورځنۍ سيالۍ کې د سريلانکا الف لوبـډلې ته ماتې ورکړه.
د افغانستان دکرکټ له مطبوعاتي دفتره کليد ته په راستول شوې خبرپاڼې کې راغلي، دا يو ورځنۍ لوبه چې پرون د سريلانکا په پلازمېنه کولمبو کې ترسره شوه پچه يې سريلانکا وګټله او لومړى يې د توپوهنې پرېکړه وکړه.
خبرپاڼې زياته کړې چې دغې لوبـډلې په ټاکل شويو ٥٠ اوورنو کې د ټولو لوبغاړو په سوځېدو ٢٣٩ منډې جوړې کړې او افغان لوبډلې ته يې د ٢٤٠ منډو هدف ورکړ.
د افغانستان له لوري پياوړي توپ اچوونکي حمزه هوتک د سريلانکا شپږ لوبغاړي وسوځول، حشمت الله شهيدي دوه او فريد ملک يو لوبغاړى وسوځاوه.
هوتک وايي، چې افغانستان ياد هدف د يوې په زړه پورې سيالۍ وروسته په ٤٩ اوور کې ترلاسه او لوبه يې وکړه.
د افغانستان له لوري حشمت الله شهيدي ٨٧ او نور علي ځدراڼ ٥٣ منډې جوړې کړې.
حشمت الله شهيدي او حمزه هوتک د سيالۍ غوره لوبغاړي ونومول شول.
د يادونې وړ ده، چې تر دې مخکې افغانستان په دوو څلور ورځنيو سياليو کې هم د سريلانکا دغې لوبـډلې ته ماتې ورکړې وه.
کلید ګروپ په ټویټر او فیسبوک کې وګورئ
