مصر د قطر هغه وړانديز رد کړ، چې له مخې يې د دغه هېواد او اخوان المسلمين ګوند تر منځ منځګړيتوب کوي. د مصر د بهرنيو چارو وزارت وياند احمد ابوزيد پرون د قطر د بهرنيو چارو وزير خالد العطيه هغه څرګندونې رد کړې، چې غواړي د مصري حکومت او اخوان
مصر د قطر هغه وړانديز رد کړ، چې له مخې يې د دغه هېواد او اخوان المسلمين ګوند تر منځ منځګړيتوب کوي.
د مصر د بهرنيو چارو وزارت وياند احمد ابوزيد پرون د قطر د بهرنيو چارو وزير خالد العطيه هغه څرګندونې رد کړې، چې غواړي د مصري حکومت او اخوان المسلمين ګوند تر منځ منځګړيتوب وکړي.
مصر وايي، هر ډول مداخله به په خپل هېواد کې و نه مني.
د مصر د بهرنيو چارو وزارت وياند زياته کړه، چې د اخوان المسلمين ګوند يو ترهګر ګوند دی او ور سره به په هر حالت کې مبارزه کوي.
دا په داسې حال کې ده، چې مصري محکمو د مصر لرې کړای شوی جمهور رئيس او د اخوان المسلمين ګوند رهبر محمد مرسي څو، څو ځله په عمري بند او اعدام محکوم کړی دی.
په همدې حال کې د محمد مرسي د واکمنۍ تر ړنګولو وروسته په مصر کې امنيتي وضعيت تر بل هر وخت خراب شوی دی.
کلید ګروپ په ټویټر او فیسبوک کې وګورئ
