په پاکستان کې نن سهار وختي څلور نور مجرمين هم اعدام شول. پاکستاني رسنيو د چارواکو له قوله په خپور کړي رپوټ کې ويلي، چې په دغو کسانو د پنجاب ايالت ګوجرانواله او ميانوالي مرکزي محبسونو کې د اعدام حکم
په پاکستان کې نن سهار وختي څلور نور مجرمين هم اعدام شول.
پاکستاني رسنيو د چارواکو له قوله په خپور کړي رپوټ کې ويلي، چې په دغو کسانو د پنجاب ايالت ګوجرانواله او ميانوالي مرکزي محبسونو کې د اعدام حکم تطبيق شوی دی.
پاکستاني چارواکو ويلي، په قتل تورن د يو بل مجرم سزا ځنډول شوې ده.
دا په داسې حال کې ده، چې پرون هم د پاکستان د پنجاب ايالت سيالکوټ ښار مرکزي زندان کې دوه تنه اعدام شوي وو.
په پاکستان کې د اعدامونو لړۍ وروسته له هغې له سره پيل شوې ده، چې کابو يو کال وړاندې په پېښور کې وسله والو پر يو پوځي ښوونځي ډله ييز بريد کې لسګونه زده کوونکي ووژل.
کلید ګروپ په ټویټر او فیسبوک کې وګورئ
