د روسيې په اوفای ښار کې پرون د هند او پاکستان د لومړي وزيرانو تر منځ خبرو کشميري ګوندونه مايوسه کړي دي. د کشمير د حريت ګوند مشر سيد علي ګيلاني ويلي، ښه به وو، ترڅو د هند او پاکستان سيالو مشرانو تر منځ خبرو کې د کشمير مسئله هم ياده شوې وای.
د روسيې په اوفای ښار کې پرون د هند او پاکستان د لومړي وزيرانو تر منځ خبرو کشميري ګوندونه مايوسه کړي دي.
د کشمير د حريت ګوند مشر سيد علي ګيلاني ويلي، ښه به وو، ترڅو د هند او پاکستان سيالو مشرانو تر منځ خبرو کې د کشمير مسئله هم ياده شوې وای.
په همدې حال کې د کشمير د يو بل سياسي ګوند مشر ياسين ملک هم ويلي، چې دا عمل د کشميريانو پر ټپونو د مالګې دوړول دي.
د هغه په وينا، تمه يې هم نه کېده، چې نواز شريف او نرېندرا مودي دې د کشمير پر لانجمنه سيمه وغږېږي.
پرون د شانګهای غونډې په څنډه کې د روسيې اوفای ښار کې د هند او پاکستان لومړي وزيرانو اوږدې خبرې وکړې او په دې يې هوکړه وکړه، چې له ترهګرۍ سره د مبارزې په اړه به په هند کې د دواړو هېوادونو د استخباراتي ادارو تر منځ يوه غونډه جوړه شي.
کلید ګروپ په ټویټر او فیسبوک کې وګورئ
