پاكستاني پوځ په شمالي وزيرستان کې په خپلو پرونيو عملياتو کې د ۱۲ وسله والو د وژلو ادعا كړې ده. د پاكستاني پوځ په يوه خپره شوې خبرپاڼه کې ويل شوي، چې ځواکونو يې په دته خېل سيمه کې د عملياتو پر مهال وسله والو سره مخامخ نښته هم
پاكستاني پوځ په شمالي وزيرستان کې په خپلو پرونيو عملياتو کې د ۱۲ وسله والو د وژلو ادعا كړې ده.
د پاكستاني پوځ په يوه خپره شوې خبرپاڼه کې ويل شوي، چې ځواکونو يې په دته خېل سيمه کې د عملياتو پر مهال وسله والو سره مخامخ نښته هم کړې، چې په ترڅ کې يې څلور پوځيان وژل شوي دي.
د پوځي چارواکو په خبره، وسله والو خپل مړي له سيمې انتقال کړي دي.
ياد عمليات وروسته له هغې پيل شول، چې پرون سهار د شمالي وزيرستان دته خېل سيمه کې د پاكستاني پوځ پر کاروان د سړک غاړې ماين چاودنه کې درې سرتېري ووژل شول او شپږ نور ټپيان شول.
پوځي چارواكو ويلي، چې چاودنه د ريموټ کنټرول په مټ تر سره شوې ده.
کلید ګروپ په ټویټر او فیسبوک کې وګورئ
