د پاكستان په بلوچستان ايالت کې د نامعلومو وسله والو بريد کې پنځو تنو ته مرګ ژوبله اوښتې. پاکستاني رسنيو د سيمه ييزو چارواکو له قوله ويلي، دا پېښه نن سهار د بلوچستان ايالت مرکز کويټې جواينټ سړک ته څېرمه رامنځته شوې ده.
د پاكستان په بلوچستان ايالت کې د نامعلومو وسله والو بريد کې پنځو تنو ته مرګ ژوبله اوښتې.
پاکستاني رسنيو د سيمه ييزو چارواکو له قوله ويلي، دا پېښه نن سهار د بلوچستان ايالت مرکز کويټې جواينټ سړک ته څېرمه رامنځته شوې ده.
د سرچينې په وينا په دې پېښه كې د يوه پوليس په ګډون درې تنه وژل شوي او دوه نور ټپيان دي.
په ټپيانو کې يوه مېرمن هم شامله ده.
دا په داسې حال کې ده، چې پرون هم د کويټې په باچا خان څلورلارې کې ماين چاودنې درې تنه وژلي او يو شمېر نور ټپيان كړي وو.
تراوسه د دې دواړو پېښو مسووليت چا پرغاړه نه دى اخيستى، خو په بلوچستان کې د دغسې بريدونو پړه ترډېره بلوڅ بېلتون غوښتونکي پرغاړه اخلي.
کلید ګروپ په ټویټر او فیسبوک کې وګورئ
