د پکتیکا ولایت د مرکز ښرنې په مهربان کلې کې یو سربند جوړ او ګټې اخيستنې ته وسپارل شو. دغه سربند د پکتیکا ولایت د کلیو، پراختیا او بیارغونې ریاست اړوند د ثبات پروګرام له لورې جوړ شوى.
د پکتیکا ولایت د مرکز ښرنې په مهربان کلې کې یو سربند جوړ او ګټې اخيستنې ته وسپارل شو.
دغه سربند د پکتیکا ولایت د کلیو، پراختیا او بیارغونې ریاست اړوند د ثبات پروګرام له لورې جوړ شوى.
د پکتیکا ولایت د کلیو، پراختیا او بیارغونې رئيس انجنیر نجیب الله جاهد د دغه سربند د پرانیستې په مراسمو کې خبریالانو ته وویل، چې په دغه سربند ۵،۳ ميلیونه افغانۍ لګښت راغلی، چې ۴،۸ ميلیونه د دولت او ۰،۵ ميلیونه افغانۍ د سیمې د خلکو له لوري پرې لګېدلې دي.
جاهد وویل، چې د دغه سربند دېوال ۶۰۰ متره اوږدوالی لري، چې شپېته زره متره مکعب اوبه پكې ځايېداى شي.
نوموړی زیاته كړه، چې د دې سربند د جوړولو کار په درې میاشتي کې بشپړ شوی او د زرمتره مربع په شاوخوا کې ځمکه یې په برکې نیولې ده.
د مهربان د کلي اوسېدونکي سلام خان په دې اړه کلید ته وویل، چې د دغه سربند په جوړولو کې ځایي خلکو هم ترخپلې وسې پورې هڅه کړې او کار یې په خورا ښه کیفیت سره سرته رسولی دی.
دی زیاتوي، چې د دغه سربند د اوبو له ذخیرې څخه به نه یوازې د دوی کلی بلکې نږدې کلي هم پوره ګټه واخلي.
د یادې سیمې یوه بل اوسېدونکي محمد انور هم د یاد سربند د جوړولو د پروګرام له مسولینو څخه د مننې ترڅنګ کلید ته وویل، چې پخوا تردې به د دغې سیمې ټولې اوبه ضایع کېدلې او چا ترې کومه خاصه ګټه نه شواى پورته کولى، چې د دغه سربند په جوړېدو دغه ستونزه اواره شوه.
نوموړي زیاته كړه، چې له یاد کاره وخت په وخت څارنه شوې او د دې ترڅنګ د سیمې بې روزګاره ځوانانو ته پکې د کار ښه زمینه هم برابره شوې وه.
دا په داسې حال کې ده، چې د کلیو، پراختیا او بیارغوني ریاست د ثبات پروګرام له لورې درې ورځې وړاندې په یوسف خېل ولسوالۍ کې هم د ویالو او استنادي دېوال درې پروژې کټي اخیستنې ته سپارل شوې وې.
کلید ګروپ په ټویټر او فیسبوک کې وګورئ
