په قبایلي سیمې شمالي وزیرستان كې د امریکا بې پیلوټه الوتکې په برید کې اته وسله وال وژل شوي دي. پاکستاني رسنیو ویلي، یاد برید تېره ورځ د شمالي وزیستان په شوال سیمه کې شوی دی، چې له كبله یې په یوه کور کې اته وسله وال وژل شوي او
په قبایلي سیمې شمالي وزیرستان كې د امریکا بې پیلوټه الوتکې په برید کې اته وسله وال وژل شوي دي.
پاکستاني رسنیو ویلي، یاد برید تېره ورځ د شمالي وزیستان په شوال سیمه کې شوی دی، چې له كبله یې په یوه کور کې اته وسله وال وژل شوي او یوشمېر نور ټپیان دي.
د شینهوا خبري اژانس د پاکستاني پوځي چارواکو له قوله ویلي، چې په یاد کور کې د وسله والو غونډه روانه وه، چې بې پیلوټه الوتکې پرې دوه توغندي وتوغول.
تر اوسه د وژل شویو کسانو هویت نه دی معلوم.
په برید کې یاد کور په بشپړ ډول له منځه تللی دی.
پاکستاني رسنیو تر اوسه د دغه برید د کره وخت په اړه څه نه دي ویلي.
کلید ګروپ په ټویټر او فیسبوک کې وګورئ
