د ميدان وردګو ولايت د سيد اباد ولسوالۍ دشتې ټوپ سيمې څخه چک ولسوالۍ ته د غځېدلي ۱۷ كيلو متره سړك د جوړولو چارې نن د ټولګټو چارو وزارت د پرمختيايي بوديجې په ۱۳۲ ميليونو افغانيو مالي لګښت پيل شوې او د يوه کال په موده کې به بشپړې شي.
د ميدان وردګو ولايت د سيد اباد ولسوالۍ دشتې ټوپ سيمې څخه چک ولسوالۍ ته د غځېدلي ۱۷ كيلو متره سړك د جوړولو چارې نن د ټولګټو چارو وزارت د پرمختيايي بوديجې په ۱۳۲ ميليونو افغانيو مالي لګښت پيل شوې او د يوه کال په موده کې به بشپړې شي.
د دغه سړک د جوړولو په ترڅ کې، چې ۵ ساتني متره قير به پرې واچول شي، همداراز ۵ سوه متره استنادي دېوال، اتيا پلچکونه او څلور لوي پلونه به هم ورغول شي.
د ياد سړک د چارو د پيلېدو په مراسمو کې د ميدان وردګو ولايت د ټولګټو چارو رئيس سيد يونس نجفي زاده وويل، ټاکل شوې وه، چې د دغه سړک د جوړولو چارې شاوخوا څلور کاله وړاندې پيل شوې واى، خو د امنيتي ستونزو له كبله يې کارونه وځنډېدل.
د ميدان وردګو د ولايتي شورا غړى عبدالوحيد اکبرزوى وايي، چې د دغه سړک د چارو د پيلېدو په ترڅ کې ګڼ شمېر ځوانانو ته کاري زمينې برابرې شوې دي.
د ميدان وردګو سرپرست والي عبدالمجيدخوږياڼي د سيمې اوسېدونکو ته لارښوونه وکړه، چې د سړک جوړولو پر مهال د تخنيکي ډلې ترڅنګ دوى ځانګړې څارنه وکړي او د اړتيا پر مهال د ولايت مقام په جريان کې کړي.
کلید ګروپ په ټویټر او فیسبوک کې وګورئ
