د افغانستان بانك چارواكي وايي، د هېواد په بازارونو كې د افغانۍ د ازرښت پر وړاندې د ډالر د ارزښت پورته كېدل اندېښمنوونكى نه دى او دوى د افغانۍ پر ارزښت كنټرول لري.
د افغانستان بانك چارواكي وايي، د هېواد په بازارونو كې د افغانۍ د ازرښت پر وړاندې د ډالر د ارزښت پورته كېدل اندېښمنوونكى نه دى او دوى د افغانۍ پر ارزښت كنټرول لري.
د افغانستان بانك سرپرست خان افضل هډه وال، چې نن يې په كابل كې خبري ناستې ته خبرې كولې وويل، افغانۍ يوازې خپل ظاهري ارزښت له لاسه وركړى او دا موضوع د اندېښنې وړ نه ده، ځكه د هغه په خبره، په بازار كې يې د توكو پر بيو اغېز نه دى كړى.
داسې په داسې حال كې ده، چې كابل ښاريان په بازار كې د خوراكي او نفتي توكو د بيو لوړوالي اندېښمن كړي دي.
په وروستيو، څو ورځو كې د افغانۍ د ازرښت پر وړاندې د ډالر ازرښت له ۵۷ افغانيو شاوخوا ۶۰ ته لوړ شوى او دا موضوع د سوداګرو او عامو هېوادوالو د اندېښنې سبب شوه، خو مركزي بانك د خلكو د دې اندېښنې په غبرګون كې اعلان وكړ، چې افغانۍ يوازې ظاهري ارزښت له لاسه وركړى او حقيقي ارزښت يې پر ځاى دى.
کلید ګروپ په ټویټر او فیسبوک کې وګورئ
