د يمن حوثي وسله والو د سعودي عربستان د يوې جنګي الوتکې د راغورځولو ادعا کړې ده. د ايرنا خبري اژانس د رپوټ پر بنسټ، يمني حوثي وسله والو ويلي،نن سهار يې د سعودي عربستان يوه جنګي الوتکه نسکوره کړې ده او پيلوټ يې هم ورته
د يمن حوثي وسله والو د سعودي عربستان د يوې جنګي الوتکې د راغورځولو ادعا کړې ده .
د ايرنا خبري اژانس د رپوټ پر بنسټ، يمني حوثي وسله والو ويلي،نن سهار يې د سعودي عربستان يوه جنګي الوتکه نسکوره کړې ده او پيلوټ يې هم ورته ژوندى نيولى دى.
خو يو شمېر رپوټونه بيا وايي، چې د نسکورې شوې اېف پينځلس الوتکې دوه پيلوټان امريکايي ځانګړو ځواکونو ژغورلي دي.
د امريکا دفاع وزارت تر اوسه د دغو پيلوټانو د ژغورنې په اړه جزيات نه دي خپاره کړي.
تر اوسه خپلواکو سرچينو د حوثيانو د دې تازه ادعا په اړه څه نه دي ويلي.
پرون د سعودي عربستان په مشرۍ د ايتلاف د هوايي بمباريو په دويمه ورځ جنګي الوتکو د يمن په پايتخت صنعا او نورو سيمو کې د حوثي ياغيانو او د هغوى د متحدينو مورچې بمبار کړي دي.
چارواکو ويلي، د تېرو دوو ورځو په بريدونو کې ۳۹ تنه وژل شوي دي.
کلید ګروپ په ټویټر او فیسبوک کې وګورئ
