د ننګرهار په بهسودو ولسوالۍ کې د سردار محمد داود خان لېسې لپاره د یوې نوې ودانۍ د جوړېدو چارې پيل شوې. چارواکي وايي، په یاده ودانۍ ۳ میلیونه افغانۍ لګښت راځي، چې د درېیو میاشتو په موده کې به یې کار بشپړ شي.
د ننګرهار په بهسودو ولسوالۍ کې د سردار محمد داود خان لېسې لپاره د یوې نوې ودانۍ د جوړېدو چارې پيل شوې.
چارواکي وايي، په یاده ودانۍ ۳ میلیونه افغانۍ لګښت راځي، چې د درېیو میاشتو په موده کې به یې کار بشپړ شي.
د ننګرهار د پوهنې ریاست مطبوعاتي مسؤل محمد اصف شینواري کلید ته وویل، د ښوونځي د یادې ودانۍ د بنسټ ډبره پرون کېښودل شوه.
هغه وویل، دغه ودانۍ چې یو کمپيوټر خونه، یو کتابتون او د غونډو تالار لري، په افغانستان کې د سویډن د مرستندویه ټولنې لخوا د ۳ میلیونه افغانۍ په لګښت جوړېږي.
د چارواکو د معلوماتو له مخې د یادې ودانۍ په جوړېدو سره به د دغه ښوونځي شاوخوا ۳ زره زده کوونکي د کمپوټر او عامه کتابونو له اسانتیا برخمن شي.
د پوهنې ریاست چارواکي وايي، چې په ننګرهار کې تر ۸ سوه ډېر ښوونځي شته، چې ترنیمايي یې یا ودانۍ نه لري او که شته نو د زده کوونکو لپاره بسنه نه کوي.
کلید ګروپ په ټویټر او فیسبوک کې وګورئ
