د ۲۰۱۵ ميلادي کال د کرکټ د نړيوال جام سياليو په لړ کې نن سريلانكا تر يوې سختې لوبې وروسته افغانستان ته ماتې وركړه. د دې لوبې پچه، چې په نيوزيلنډ كې ترسره شوه؛ د سريلانكا لوبډلې لوبډلمشر وګټله او افغان لوبډلې ته يې د توپ وهنې بلنه وركړه.
د ۲۰۱۵ ميلادي کال د کرکټ د نړيوال جام سياليو په لړ کې نن سريلانكا تر يوې سختې لوبې وروسته افغانستان ته ماتې وركړه.
د دې لوبې پچه، چې په نيوزيلنډ كې ترسره شوه؛ د سريلانكا لوبډلې لوبډلمشر وګټله او افغان لوبډلې ته يې د توپ وهنې بلنه وركړه.
د افغانستان د كركټ ملي لوبډلې په ۴۹ اعشاريه ۴ اورونو كې د لسو لوبغاړو په سوځېدو ۲۳۲ منډې جوړې كړې او سيالې لوبډلې ته يې ۲۳۳ منډې هدف وټاكه، خو د سريلانكا لوبډلې په ۴۸ اعشاريه ۲ اورونو كې د شپږو لوبغاړو په سوځېدو ياد هدف پوره كړ او افغانستان ته يې په څلور وېكټو ماتې وركړه.
افغانستان تر دې وړاندې خپله لومړۍ لوبه د بنګله دېش په وړاندې بايللې وه.
اسټراليا او نيوزيلنډ د کرکټ د نړيوال جام سياليو، چې د فبرورۍ په څوارلسمه نېټه پيل شوې؛ کوربانه دي او په دې سياليو كې د افغانستان په ګډون د ۱۴هېوادونو د كركټ ملي لوبډلې برخه لري.
کلید ګروپ په ټویټر او فیسبوک کې وګورئ
