د ۲۰۱۵ ميلادي کال د کرکټ د نړيوال جام سياليو په لړ کې نن ويسټنډيز، پاكستان ته په ۱۵۰ منډو ماتې وركړه. د دې لوبې پچه، د پاكستان لوبډلمشر وګټله او سيالې لوبډلې ته يې د توپ وهنې بلنه وركړه.
د ۲۰۱۵ ميلادي کال د کرکټ د نړيوال جام سياليو په لړ کې نن ويسټنډيز، پاكستان ته په ۱۵۰ منډو ماتې وركړه.
د دې لوبې پچه، د پاكستان لوبډلمشر وګټله او سيالې لوبډلې ته يې د توپ وهنې بلنه وركړه.
د ويسټنډيز لوبډلې د ۵۰ اورونو په لوبولو سره د ۶ لوبغاړو په سوځېدو ۳۱۰ منډې وكړې او د پاكستان لوبډلې ته يې د ۳۱۱ منډو هدف كېښود.
د پاكستان لوبډلې دغه هدف پوره نشواى كړاى او ټوله لوبډله په ۳۹ اورونو كې د ۱۶۰ منډو په كولو وسوځېده او دغه لوبه يې په ۱۵۰ منډو ويسټنډيز ته وبايلله.
بايد وويل شي، چې پاكستان د روانې ميلادي مياشتې په ۱۵ مه لومړۍ لوبه هند ته بايللې وه.
اسټراليا او نيوزيلنډ د کرکټ د نړيوال جام سياليو، چې د تېرې شنبې په ورځ پيل شوې؛ کوربانه دي او په دې سياليو كې د افغانستان په ګډون د ۱۴هېوادونو د كركټ ملي لوبډلې برخه لري.
افغانستان خپله لومړۍ لوبه د بنګله دېش په وړاندې وبايلله او سبا به په دويمه لوبه كې له سريلانكا سره د لوبې ډګر ته ووځي.
کلید ګروپ په ټویټر او فیسبوک کې وګورئ
