په اسلام اباد كې د ټاپي يا له تركمنستان څخه افغانستان، پاكستان او هند ته د ګازو نلليكې د غځولو پروژې د عملي كار د پيلېدو په اړه غونډه نن هم دوام لري.
په اسلام اباد كې د ټاپي يا له تركمنستان څخه افغانستان، پاكستان او هند ته د ګازو نلليكې د غځولو پروژې د عملي كار د پيلېدو په اړه غونډه نن هم دوام لري.
دا غونډه پرون پيل شوې او په كې د افغانستان د كانونو او پټروليم پر وزير سربېره د تركمنستان، پاكستان او هند اړوند وزيران هم ګډون لري.
د كانونو او پټروليم وزارت وياند رفيع صديقي نن سهار كليد ته وويل، چې د دې غونډې له پاى ته رسېدو وروسته به لاسته راوړنې له رسنيو سره شريكې كړي.
نوموړي هغه رپوټونه رد كړل، چې ګواكې په اسلام اباد کې د ټاپي د ګازو د پروژې پر سر څلور اړخيزې خبرې پرون بې نتيجې پای ته رسېدلې دي.
ويل کېږي، چې د ټاپي پروژه نږدې لس ميليارده ډالر لګښت غواړي.
کلید ګروپ په ټویټر او فیسبوک کې وګورئ
