د لغمان ولايت په مركز مهترلام كې د ۴۶ میلیونه افغانیو په ارزښت جوړه شوې ټولګټې پروژه ګټې اخیستنې ته وسپارل شوه. د لغمان له مطبوعاتي دفتره كليد ته په راستول شوې خبرپاڼې كې راغلي، چې د مهترلام ښار دننه له محمد رحیم چوک څخه تر الیشنګ هډې پورې د قیر
د لغمان ولايت په مركز مهترلام كې د ۴۶ میلیونه افغانیو په ارزښت جوړه شوې ټولګټې پروژه ګټې اخیستنې ته وسپارل شوه.
د لغمان له مطبوعاتي دفتره كليد ته په راستول شوې خبرپاڼې كې راغلي، چې د مهترلام ښار دننه له محمد رحیم چوک څخه تر الیشنګ هډې پورې د قیر سرک پروژه چې چارې یې د اتو میاشتو په موده کې سرته رسیدلې وې نن د لغمان سرپرست والي ډاکتر فضل الله مجددي او نورو دولتي چارواكو له لوري ګټې اخیستنې ته وسپارل شوه.
د خبرپاڼې په وينا، دغه سړك ۱۶۰۰ متره اوږدوالى، ۱۳ متره پلنوالى او دواړو خواو ته ۸ متره پلې لارې لري.
د سرچينې د معلوماتو له مخې د دغې پروژې لګښت چې ټولټال ۴۶ میلیونه افغانۍ كيږي د مهترلام ښاروالۍ لخوا وركړل شوي دي.
کلید ګروپ په ټویټر او فیسبوک کې وګورئ
