د نورستان ولایت چارواکي وايي، په واما ولسوالۍ کې يې د ۳۲ میلیونو افغانیو په لګښت د دوو سړکونو د رغولو چارې پيل کړې. یادې چارې پرون پیل شوي او څلورو میاشتو کې به بشپړې شي.
د نورستان ولایت چارواکي وايي، په واما ولسوالۍ کې يې د ۳۲ میلیونو افغانیو په لګښت د دوو سړکونو د رغولو چارې پيل کړې.
یادې چارې پرون پیل شوي او څلورو میاشتو کې به بشپړې شي.
د نورستان والي حافظ عبدالقیوم کلید ته وویل، په واما ولسوالۍ کې یې د دوو سړکونو د رغولو چارې پيل کړې، چې د یادې ولسوالۍ مرکز له دوو کلیو سره نښلوي.
هغه وویل د واما ولسوالۍ له مرکزه پيل تر (پوونڅ) کلي پورې غځيدلی سړک، چې اووه نیم کیلومټره اوږدوالی لري ۱۸ میلیونه افغانۍ لګښت پرې راځي.
والي زیاته کړه بل سړک چې د دغې ولسوالۍ مرکز له (کامګل) سیمې سره نښلوي، ۱۴ میلیونه افغانۍ لګښت پرې راځي او پنځه نیم کیلومتره اوږدوالی لري.
د نورستان والي وايي د دغو سړکونو په جوړېدو به د دواړو کلیو سلګونه کورنۍ د سړک نه شتون له ستونزو خلاص شي.
چارواکي وايي چې د یادو سړکونو لګښت افغان دولت ورکوي او د کلیوالي شوراګانو په لاس یې چارې پر مخ وړل کیږي.
نورستان یو غرنی ولایت دی، چې خلک یې د سړکونو له نشتوالي ډېر شکایت کوي.
کلید ګروپ په ټویټر او فیسبوک کې وګورئ
