د امريكا جمهوررئيس بارك اوباما وروسته له هغه د امريکايي روغتياپال عبدالرحمن کسېگ وژل كېدل ومنل او ويې غندل، چې امريکايي چارواکو د داعش د وسله والو له لوري د خپرې شوې ويډيو د کره والي په اړه خپلې پلټنې بشپړې کړې.
د امريكا جمهوررئيس بارك اوباما وروسته له هغه د امريکايي روغتياپال عبدالرحمن کسېگ وژل كېدل ومنل او ويې غندل، چې امريکايي چارواکو د داعش د وسله والو له لوري د خپرې شوې ويډيو د کره والي په اړه خپلې پلټنې بشپړې کړې.
کسېگ تېرکال هغه مهال سوريه کې ونيول شو، چې له سوري کډوالو سره د روغتيايي مرستو په هدف يې دې هېواد ته سفر وکړ.
د هغه مور او پلار په يوه ويناپاڼه کې ويلي دي، چې د خپل زوي پر کار او ژوند وياړي.
دوي غوښتنه کړې ده، چې زوي يې د يوه داسې کس په نوم ياد کړل شي، چې له سوري اړمنو سره د مرستې په لاره کې يې خپل سر قربان کړ.
د داعش ډلې له لوري په خپرې شوې وروستۍ ويډيو کې پر عبدالرحمن کسېگ سربېره د سوريې د هوايي ځواکونو د يو شمېر افسرانو د وژنې صحنه هم ښودل شوې ده.
تر ده وړاندې د داعش وسله والو څلور امريکايي او بريتانوي وگړي نيولي او وژلي وو.
کلید ګروپ په ټویټر او فیسبوک کې وګورئ
