د افغانستان د ۱۹ كلنو كركټ ملي لوبډلې د اسيا پريميرليګ سياليو په لړ كې كوربه هېواد كويټ ته هم ماتې وركړه. دغه سيالي چې نن په كويټ كې ترسره شوه، پچه يې افغان لوبډلمشر وګټله او خپله يې د توپ وهنې پرېكړه وكړه.
د افغانستان د ۱۹ كلنو كركټ ملي لوبډلې د اسيا پريميرليګ سياليو په لړ كې كوربه هېواد كويټ ته هم ماتې وركړه.
دغه سيالي چې نن په كويټ كې ترسره شوه، پچه يې افغان لوبډلمشر وګټله او خپله يې د توپ وهنې پرېكړه وكړه.
افغان لوبډلې د ۴۷ اعشاريه ۴ اورونو په لوبولو سره د ټولو لوبغاړو په سوځېدو ۲۷۱ منډې وكړې او سيالې لوبډلې ته يې د ۲۷۲ منډو هدف كېښود.
د افغان توپ وهونكو له ډلې احسان الله ۸۹ او جمعه ګل ۷۲ منډې وكړې.
سيالې لوبډلې دغه هدف پوره نشواى كړاى او په ۱۹ اعشاريه ۵ اورونو كې يې د ټولو لوبغاړو په سوځېدو ۶۵ منډې وكړې.
د افغان توپوهونكو له ډلې نوين الحق ۴، محمد ظاهر او ضياء الرحمن درې، درې لوبغاړې وسوځول.
د افغانستان ۱۹ كلنې لوبډلې تراوسه له ماليزيا، عربي اماراتو، سعودي عربستان، نيپال او كوربه هېواد كويټ سره لوبې كړي، چې ټولې يې كړي دي.
د اسيا پريميرليګ سياليو كې د افغانستان په ګډون د کوربه هېواد کويټ، سعودي عربستان، نيپال، ماليزيا او د متحده عربي اماراتو د ١٩ کلنو لوبغاړو ملي لوبډلې برخه اخلي.
کلید ګروپ په ټویټر او فیسبوک کې وګورئ
