د مصر په سینا ټاپو وزمه کې د پوځ پر یوې پوستې برید شوى، چې په ترڅ كې يې ۲۵ سرتيري وژل شوي دي. اسوشیېټډپریس خبري آژانس د ځايي چارواکو له خولې ليكلي، چې دغه بريد د سینا په شمال کې العریش ښار ته نږدې پر يوې پوستې د هاوان او راکټ
د مصر په سینا ټاپو وزمه کې د پوځ پر یوې پوستې برید شوى، چې په ترڅ كې يې ۲۵ سرتيري وژل شوي دي.
اسوشیېټډپریس خبري آژانس د ځايي چارواکو له خولې ليكلي، چې دغه بريد د سینا په شمال کې العریش ښار ته نږدې پر يوې پوستې د هاوان او راکټ لانچرو پر مټ شوى.
د سرچينې په وينا، په دې ډزو كې یو ټانک چې چاودېدونکي توكي او مهمات په کې وو، ولګېد او په نتیجه کې یې لویه چاودنه رامنځته شوه.
چارواکي وايي، په دې برید کې لږترلږه پنځه ویشت سرتيري وژل شوي او شل نور، چې روغتيايي حالت يې نازك دى ټپيان شوي دي.
کلید ګروپ په ټویټر او فیسبوک کې وګورئ
