د خوست له مرکز سره تړلې سیمې فارم باغ کې د خوړ پر سر د يوه پله د جوړېدو چارې بشپړې شوې. دغه پل ۱۶۰ متره اوږدوالی او ۹ متره سور لري، چې د جوړېدو چارې يې په ۱۸ مياشتو كې بشپړې شوې.
د خوست له مرکز سره تړلې سیمې فارم باغ کې د خوړ پر سر د يوه پله د جوړېدو چارې بشپړې شوې.
دغه پل ۱۶۰ متره اوږدوالی او ۹ متره سور لري، چې د جوړېدو چارې يې په ۱۸ مياشتو كې بشپړې شوې.
د خوست سرپرست والي عبدالجبارنعیمي د پټۍ پرېکولو پرمهال خبریالانو ته وویل دغه پل د ټولګټو چارو وزارت د څارنې په چوکاټ کې د نړیوال بانک په څه باندې ۶۷ ميلیونه افغانۍ جوړ شو.
بلخوا د سیمې قومي مشر حاجي کاکي که څه هم د پله پر جوړېدو خوښي څرګنده کړه، خو په ورته وخت كې يې په دې برخه كې شته ستونزې هم په ډاګه کړې.
نوموړي وویل، د پله یوې خوا ته د سلګونه متره په اوږدوالي استنادي دیوال ته اړتیا ده.
دغه راز یې د هغې ستونزې یادونه هم وکړه چې ډېرکله دغه لار د بهرنیو ځواکونو د ورڅېرمه اډې له لورې بنده وي.
نعیمي د استنادي دیوال د جوړېدو په برخه کې د ژر تر ژره کار کولو ژمنه وکړه، خو د لارې د بندوالي په اړه یې مشخص څه ونه ویل.
د یادونې وړ ده، چې په تېرو څو میاشتو کې په خوست کې د څو مهمو پلونو چارې پیل شوې، چې د ځینو یې کارونه په بشپړ او د ځینو یې اوس پیل شوي دي.
ځايي اوسېدونکي د ورځنيو ستونزو په راکمولو کې د پلونو جوړول مهم بولي.
کلید ګروپ په ټویټر او فیسبوک کې وګورئ
