پر انټرنېټ يوه داسې ويډيو خپره شوې، چې په کې د اسلامي دولت وسله وال ښکاري، چې د امريکايي خبريال سټيفن سوټلوف سر پرې کوي. د دې امريکايي خبريال د سر پرې کولو ويډيو پرون خپره شوه، يو وسله وال، چې مخ يې پټ دى، په ويډيو کې ښکاري، چې د اسلامي دولت پر وسله والو د
پر انټرنېټ يوه داسې ويډيو خپره شوې، چې په کې د اسلامي دولت وسله وال ښکاري، چې د امريکايي خبريال سټيفن سوټلوف سر پرې کوي.
د دې امريکايي خبريال د سر پرې کولو ويډيو پرون خپره شوه، يو وسله وال، چې مخ يې پټ دى، په ويډيو کې ښکاري، چې د اسلامي دولت پر وسله والو د امريکا بريدونه غندي او د سوټلوف غاړه پرې کوي.
د اسلامي دولت ډله ګواښ کوي، تر هغو چې امريکا پر دغې ډلې بمباري نه وي درولې، دوى به د نيول شوي امريكايانو د سرونو غوڅولو ته دوام ورکړي.
د سپينې ماڼۍ وياند جوش ايرنسټ ويلي، امريکايي چارواکي لاهم د دغې خپرې شوې ويډيو د کره کولو په اړه پلټنه کوي.
سوټلوف دويم امريکايي خبريال دى، چې د اسلامي دولت ډلې له لورې يې سر پرې كېږي، تېره مياشت دې ډلې يوه وېډيو خپره کړه، چې د امريکايي خبريال جېمز فولي سر په كې پرې كوي.
کلید ګروپ په ټویټر او فیسبوک کې وګورئ
