په كابل كې د شپږيزې په نوم د كركټ د شل اوريزو سياليو په لړ كې تېره ورځ د مس عينک اتلانو د سپين غر زمريان او د بوست ساتونکو د آمو نهنګان مات کړل.
په كابل كې د شپږيزې په نوم د كركټ د شل اوريزو سياليو په لړ كې تېره ورځ د مس عينک اتلانو د سپين غر زمريان او د بوست ساتونکو د آمو نهنګان مات کړل.
لومړۍ لوبه، چې د مس عينک اتلانو او د سپين غر زمريانو ترمنځ ترسره شوه، پچه يې د سپين غر زمريانو لوبډلمشر وګټله او د مس عينک اتلان يې توپوهنې ته راوبلل.
د مس عينک اتلانو په ټاکل شويو شلو اورونو کې د څلورو لوبغاړو په سوځېدو د سپين غر زمريانو ته د ۱۹۴ منډو هدف ورکړ، خو د سپين غر زمريانو ورکړل شوى هدف پوره نه کړاى شو او د سيالۍ په وروستي اوور کې يې د ټولو لوبغاړو په سوځېدو ۱۳۳ منډې جوړې كړې.
په دويمه لوبه كې د آمو نهنګانو په ټاکل شويو شلو اورونو کې د ۳ لوبغاړو په سوځېدو د بوست ساتونکو ته د ۱۷۷ منډو هدف ورکړ، خو د بوست ساتونکو ورکړل شوى هدف د سيالۍ په وروستي اوور کې بشپړ کړ.
نن به د بندامير ښاماران د مس عينک اتلانو او د آمو نهنګان د سپين غر زمريانو په وړاندې ولوبېږي.
کلید ګروپ په ټویټر او فیسبوک کې وګورئ
