د عمران خان په مشرۍ د پاکستان تحريک انصاف او د طاهر القادري په مشرۍ د عوامي تحريك ګوندونو زرګونه پلويانو پايتخت اسلام اباد کې د دې هېواد د ملي پارلمان او د لومړي وزير د دفتر مخې ته په احتجاجي لاريون لاس پورې کړ.
د عمران خان په مشرۍ د پاکستان تحريک انصاف او د طاهر القادري په مشرۍ د عوامي تحريك ګوندونو زرګونه پلويانو پايتخت اسلام اباد کې د دې هېواد د ملي پارلمان او د لومړي وزير د دفتر مخې ته په احتجاجي لاريون لاس پورې کړ.
عمران خان تېره شپه خپلو پلويانو ته امر وکړ، چې د اسلام اباد تر ټولو حساسې سيمې يا رېډ زون ته ننوځي او د پارلمان مخې ته پراخ لاريونونه وكړي.
عمران خان د پاکستان د پارلمان مخې ته له رسېدو سره سم خپلو پلويانو ته د وينا پر مهال يو ځل بيا پر نواز شريف غږ وکړ، چې تر نن ماښامه پورې استعفا ورکړي، كنه دى به له پلويانو سره يوځاى ملي پارلمان او د لومړي وزير دفتر ته ورننوځي.
د عوامي تحريک ګوند مشر طاهر القادري هم له خپلو لسګونه زرو پلويانو سره د پاکستان د ملي پارلمان او د لومړي وزير د کور مخې ته راغونډ شوى او پر پراخ احتجاجي لاريون يې لاس پورې کړى دى.
عمران خان او طاهر القادري تور لګوي، چې د نواز شريف په مشرۍ د پاکستان مسلم ليګ (ن) ګوند د تېر کال په ټاکنو کې پراخه درغلي کړې او د پاکستان حکومت او پارلمان جعلي بولي.
کلید ګروپ په ټویټر او فیسبوک کې وګورئ
